Bu il oktyabrın 1-nə “Unibank” ASC-nin 55,2 milyon manat vaxtı keçmiş krediti olub.
Bu barədə Yurd.Media-ya bankdan bildirilib.
Məlumata görə, bu, ötən il oktyabrın 1-i ilə müqayisədə 30,4% çoxdur.
Qeyd edək ki, vaxtı keçmiş kreditlərin həcminə görə hazırda “Unibank” ölkə bankları arasında 6-cı mövqedədir.
Həmin kreditlərin bir çoxu məhkəmə çəkişməsinə səbəb olur. Misal üçün bu il Bakının Suraxanı, Xəzər , Səbail və Nizami rayonlarında, həmçinin İsmayıllı, Ağdam, Şəmkir , Gədəbəy, Siyəzən və İmişli rayonlarından olan müştərilərinə qarşı “Unibank” məhkəmə iddiaları qaldırıb. Eyni məsələ ilə bağlı Şuşa Rayon Məhkəməsində də bir sıra çəkişmələr baş tutub.
