Bu ilin I yarısında, bank olmayan kredit təşkilatına (BOKT) çevrilməyə qərar vermiş “Bank BTB” ASC istisna olmaqla, ölkədə fəaliyyət göstərən 21 bankdan 5-nin qeyri-faiz gəlirləri 22,7 milyon manatdan çox olub.
Yurd.Media araşdırmasına görə, bunlar, “Kapital Bank” (341,4 milyon manat), “Azərbaycan Beynəlxalq Bankı” (ABB, 290,15 milyon manat), “PAŞA Bank” (114,15 milyon manat), “Unibank” (71,35 milyon manat) və “Rabitəbank” (22,8 milyon manat) ASC-lərdir.
Qalan 16 bankdan 7-nin qeyri-faiz gəlirləri 10-22,7 milyon manat arasında, 8-nin qeyri-faiz gəlirləri 1-10 milyon manat arasındadır.
1 bank – İran Milli Bankının Bakı filialı qeyri-faiz zərəri ilə üzləşib.
Son 1 ildə 5 bankın qeyri-faiz gəlirləri azalıb. Ən çox azalma “Yelo Bank” ASC-də (37,6%), ən az azalma isə “Express Bank” ASC-də (1%) qeydə alınıb.
İran bankının qeyri-faiz gəlirlərinin dinamikasını hesablamaq məlum səbəbdən mümkün olmayıb.
Qalan 15 bankın isə qeyri-faiz gəlirləri artıb. Ən yüksək dinamika ABB-də (45,8%), ən aşağı dinamika isə “Access Bank” QSC-də (6,5%) qeydə alınıb.
Yurd.Media-nın bankların 2026-cı ilin II rübünün göstəriciləri ilə bağlı daha əvvəl hazırladığı materialları təqdim edirik:
- Aktivləri azalan banklar: Ən böyük geriləmə "Xalq Bank"da - CƏDVƏL
- Aparıcı banklar qiymətli kağızlara investisiyaları azaldır - SİYAHI
- “Xalq Bank”dan başqa bütün banklar kredit portfelini arıtrdı - CƏDVƏL
- Problemli kreditləri artan banklar - CƏDVƏL
- Bu bankların öhdəlikləri 2 milyard manatı aşdı - CƏDVƏL
- “Bank Respublika” depozit portfeli ən çox azalan bankdır - CƏDVƏL
- “Kapital Bank” AMB-yə borcunu 12%-dən çox azaldıb - CƏDVƏL
- “PAŞA Bank”, “Xalq Bank” və “Express Bank”ın balans kapitalında AZALMA - CƏDVƏL
- Nizamnamə kapitalını artıran banklar - CƏDVƏL
- “PAŞA Bank" və "Xalq Bank"ın əməliyyat gəlirlərində milyonlarla manat AZALMA - CƏDVƏL
- Faiz gəlirləri "aşıb-daşan" banklar - CƏDVƏL
