Express Bank

Expressbank — Azərbaycanda fəaliyyət göstərən kommersiya bankı.

Tarixçə
Kommersiya bankı olan "Expressbank" ASC 21 iyun 1989-cu ildə təsis olunmuş və uzun müddət "Azərnəqliyyatbank" adı altında fəaliyyət göstərmişdir. Bank öz fəaliyyətini Azərbaycan Respublikasının Mərkəzi Bankı tərəfindən 30 dekabr 1992-ci ildə verilmiş lisenziya əsasında həyata keçirir. Bankın Səhmdarlarının Ümumi Yığıncağının 01 fevral 2010-cu il tarixli qərarı ilə "Azərnəqliyyatbank" ASC-nin adı dəyişdirilərək "Expressbank" ASC adlandırılmışdır. Nizamnaməyə müvafiq dəyişiklik 04 mart 2010-cu ildə dövlət qeydiyyatına alınmışdır.

Reytinqi
Expressbank öz fəaliyyət dövründə bir çox uğura imza atmışdır.

Beynəlxalq reytinq agentliyi Fitch Ratings 2024-cü ilin Oktyabr ayında Expressbank-ın reytinqini yenidən qiymətləndirərək, gözlənti stabil olmaqla "B+" səviyyəsinə yüksəldib. Beləliklə, Expressbankın Dayanıqlılıq və Emitentin uzunmüddətli defolt reytinqi B səviyyəsindən B+ səviyyəsinə qalxıb. Bu reytinq ölkə bankları sırasında yüksək nəticələrdən hesab edilir.

2020-ci il üzrə — Expressbank Azərbaycan Banklar Assosiasiyası tərəfindən "Korporativ Sosial Məsuliyyət", "Ən fəal təhsil dəstəkçisi", "Nağdsız ödənişlərin təşviqi" nominasiyaları üzrə mükafatlandırılıb.

Üzvlüklər
Mastercard International
Visa International
SWIFT
ABA (Azərbaycan Banklar Assosiasiyası)
SİF (Sahibkarlığın İnkişafı Fondu)
AKİA (Aqrar Kredit və İnkişaf Agentliyi)
ADİF (Əmanətlərin Sığortalanması Fondu)
İKZF (İpoteka və Kredit Zəmanət Fondu)
MİDA (Mənzil İnşaatı Dövlət Agentliyi)

Müşahidə Şurası
Müşahidə Şurasının sədri — Əfqan Cavadov (30 iyun 2020-ci ildən)[3]
Müşahidə Şurasının üzvü — Samirə Qəhrəmanova (23 noyabr 2024-cü ildən)
Müşahidə Şurasının müstəqil üzvü — Fuad Məmmədov (4 sentyabr 2023-cü ildən)

Audit komitəsi
Audit komitəsinin sədri — Fuad Məmmədov
Audit komitəsinin müstəqil kənar üzvü — Rüfət Nağıyev
Audit komitəsinin müstəqil kənar üzvü — Esmira Məmmədova

Rəhbərlik
İdarə Heyətinin Sədri — Mehman Məmmədov (24 fevral 2020-ci ildən)
İdarə Heyəti sədrinin müavini, Baş maliyyə inzibatçısı — Teymur Ağakişiyev (2020-ci ildən)
İdarə Heyətinin üzvü, Baş risk inzibatçısı — Rüfət Mürşüdlü (16 mart 2022-ci ildən)