Daşınmaz əmlak

Bakının bir sıra rayonlarında yeni tikili mənzillərin kvadrat metrə görə orta qiyməti 4 min manata yaxınlaşır.

"Azərbaycan Qiymətləndiricilər Cəmiyyəti" İctimai Birliyinin sədri Vüqar Oruc Yurd.Media-ya bildirib ki, ötən il ərzində paytaxtın Səbail və Nərimanov rayonlarında yeni tikili mənzillərin qiyməti 4 min manata çatıb. 

Bakıda ən sürətli bahalaşma isə Nəsimi rayonunda qeydə alınıb - 25%-ə yaxın. Burada hər kvadrat metr yeni tikili 3773 manatdan hesablanır.

Yasamal və Xətai rayonunlarında isə ötən ilin əvvəli bu əmlak növündən olan mənzilləri kvadrat metri 2500 manatdan almaq mümkün olurdusa artıq bu ilin əvvəlinə qiymət 3000 manatı ötüb.

Yurd.Media-nın digər daşınmaz əmlak növlərinin qiymətləri ilə bağlı daha əvvəl hazırladığı materialları təqdim edirik:

- Bakının rayonlarında torpaq sahəsi KƏSKİN BAHALAŞIB - QİYMƏT CƏDVƏLİ

- Bakıda fərdi yaşayış evlərinin ən çox bahalaşdığı rayonlar - QİYMƏT CƏDVƏLİ

- Bakıda köhnə tikili mənzillər nə qədər bahalaşıb? - QİYMƏT CƏDVƏLİ

- Bu il Bakıda köhnə tikili mənzillər nə qədər bahalaşacaq? - ARAŞDIRMA

- Bakının bu ərazilərində obyektlər kəskin bahalaşdı - QİYMƏT CƏDVƏLİ

Bakının bütün rayonlarında il ərzində qeyri-yaşayış obyektlərinin qiymətinin artması tendensiyası müşahidə olunub.

Azərbaycan Qiymətləndiricilər Cəmiyyətindən (AQC) Yurd.Media-ya bildirilib ki, ötən il ərzində ən yüksək artım tempi paytaxtın Nərimanov rayonunda qeyd olunub - 25,3%. Nəsimi rayonunda da bahalaşma 1/4 dəfəyə qədər olub. 

Hazırda ən bahalı obyektlər Bakının mərkəzi Səbail rayonundadır - kvadrat metri 8 min manatdan yuxarı. Yasamal rayonunda qiymət 7700 manata, Xətai rayonunda 6100 manata çatır.

Ən ucuz qiymətə obyektləri isə Pirallahı və Qaradağ rayonlarından əldə etmək olar - kvadrat metri təxminən 2000 manata.

AQC sədri Vüqar Oruc bildirib ki, obyektlərin icarə qiymətlərinin formalaşmasında əsas rol oynayan faktorlar yerləşdiyi rayonların sosial-iqtisadi inkişaf səviyyəsi və infrastruktur imkanlarıdır. Bununla yanaşı, əhalinin sıxlığı və ərazinin biznes baxımından əhatə dairəsi də qiymətlərə ciddi təsir göstərir.

Onun sözlərinə görə, obyektin mərkəzə və ya mərkəzə yaxın ərazidə yerləşməsi icarə haqqının yüksək olmasına səbəb olan əsas amillərdəndir:

“Bu amili yerləşmə faktoru kimi qiymətləndirmək olar. Bununla belə, elə obyektlər mövcuddur ki, onların gəlirliliyi yerləşdiyi ərazidən asılı olmayaraq formalaşır. Belə obyektlərdə piyada axını, müştəri daxilolma sayı, göstərilən xidmətin əraziyə uyğunluğu və nəqliyyat əlçatanlığı həlledici rol oynayır".

Yurd.Media-nın digər daşınmaz əmlak növlərinin qiymətləri ilə bağlı daha əvvəl hazırladığı materialları təqdim edirik:

- Bakının rayonlarında torpaq sahəsi KƏSKİN BAHALAŞIB - QİYMƏT CƏDVƏLİ

- Bakıda fərdi yaşayış evlərinin ən çox bahalaşdığı rayonlar - QİYMƏT CƏDVƏLİ

- Bakıda köhnə tikili mənzillər nə qədər bahalaşıb? - QİYMƏT CƏDVƏLİ

- Bu il Bakıda köhnə tikili mənzillər nə qədər bahalaşacaq? - ARAŞDIRMA

Bu il Bakının rayonlarında köhnə tikili mənzillərdə gözlənilən qiymət artımı açıqlanıb.

Azərbaycan Qiymətləndiricilər Cəmiyyətindən (AQC) Yurd.Media-ya verilən məlumata görə, ən böyük artım paytaxtın Yasamal (təxminən 14%), Nəsimi (təxminən 13,8%), Səbail (təxminən 13,3%) və Nərimanov (təxminən 12,8%) rayonlarında olacaq.

AQC sədri Vüqar Oruc bildirib ki, bu il bazar hələ də mərkəz yönümlü qalır, lakin artım tempi 2025-ci il ilə müqayisədə yumşalma mərhələsinə daxil olur:

“Köhnə tikililərin qiymət artımı bazar tələbi ilə yox, əsasən torpaq dəyərinin kapitallaşması ilə izah olunur. Bu tendensiya 2026–2027-ci illərdə də mərkəzi rayonlar üçün davam edəcək”.

Araşdırmaya görə, 2026-cı ildə köhnə tikili mənzillərlə bağlı investisiya marağı davam edəcək və köhnə tikililər əsasən söküntü gözləntisi ilə alınacaq, nəticədə real qiymət artımı müşahidə olunacaq. 2027-ci ildə isə bazarın daha seçici olması gözlənilir.

Yurd.Media-nın digər daşınmaz əmlak növlərinin qiymətləri ilə bağlı daha əvvəl hazırladığı materialları təqdim edirik:

- Bakının rayonlarında torpaq sahəsi KƏSKİN BAHALAŞIB - QİYMƏT CƏDVƏLİ

- Bakıda fərdi yaşayış evlərinin ən çox bahalaşdığı rayonlar - QİYMƏT CƏDVƏLİ

- Bakıda köhnə tikili mənzillər nə qədər bahalaşıb? - QİYMƏT CƏDVƏLİ

Bakının rayonlarında ötən il üzrə köhnə tikili mənzillərin qiymətləri üzrə baş verən dəyişiklik açıqlanıb. 

"Azərbaycan Qiymətləndiricilər Cəmiyyəti"nin (AQC) araşdırmasına görə, ən sürətli bahalaşma Yasamal (19,8%), Səbail (17,2%), Nəsimi (17%) və Nərimanov (16,2%) rayonlarında qeydə alınıb.

AQC sədri Vüqar Oruc Yurd.Media-ya bildirib ki, bu rayonlarda köhnə tikililərə marağın artmasına səbəb olan amillər yenidənqurma və söküntü gözləntiləri, mərkəzi yerləşmə, investisiya tələbinin yüksək olmasıdır.

Ən zəif artım dinamikasını isə Binəqədi (4,8%), Suraxanı (3,8%), Qaradağ (3,4%), Pirallahı (1,4%) rayonları nümayiş etdirib.

Vüqar Oruc vurğulayıb ki, qeyd olunan rayonlarda zəif artımın səbəbi mərkəzdən uzaqlıq, söküntü perspektivinin zəifliyi, alternativ torpaq bolluğudur.

“Mərkəzi rayonlar bahalı olsa da, gəlirlilik daha stabil görünür. Periferik rayonlar hələlik daha çox yaşayış yönümlüdür, investisiya tempi zəifdir”, - AQC sədri bildirib.

Yurd.Media-nın digər daşınmaz əmlak növlərinin qiymətləri ilə bağlı daha əvvəl hazırladığı materialları təqdim edirik:

- Bakının rayonlarında torpaq sahəsi KƏSKİN BAHALAŞIB - QİYMƏT CƏDVƏLİ

- Bakıda fərdi yaşayış evlərinin ən çox bahalaşdığı rayonlar - QİYMƏT CƏDVƏLİ

Bakının rayonlarında ötən il üzrə fərdi yaşayış evlərinin qiymətlərində baş verən dəyişiklik araşdırılıb. 

"Azərbaycan Qiymətləndiricilər Cəmiyyəti" İctimai Birliyinindən Yurd.Media-ya bildirilib ki, 2025-ci ildə paytaxtın bütün rayonlarında fərdi yaşayış evləri bahalaşıb.

Ən sürətli qiymət artımı Səbail (24,3%), Sabunçu (23%) və Xəzər (22,2%) rayonlarında qeydə alınıb. Ən zəif artım isə Pirallahı (4,7%) və Qaradağ (5,5%) rayonlarında olub.

Hazırda ən bahalı fərdi yaşayış evləri Bakının mərkəzi sayılan Səbail rayonundadır - hər kvadrat metri 3 min manata çatıb. Nərimanov rayonunda belə evləri kvadrat metri 2200 manatdan, Nəsimi rayonunda 1600 manatdan, Yasamal rayonunda isə 1500 manatdan almaq olar.

Yurd.Media-nın digər daşınmaz əmlak növlərinin qiymətləri ilə bağlı daha əvvəl hazırladığı materialları təqdim edirik:

- Bakının rayonlarında torpaq sahəsi KƏSKİN BAHALAŞIB - QİYMƏT CƏDVƏLİ

Bakının bütün rayonlarında ötən il torpaq sahəsinin qiymətlərində artım qeydə alınıb.

"Azərbaycan Qiymətləndiricilər Cəmiyyəti" İctimai Birliyinindən Yurd.Media-ya bildirilib ki, ən böyük artım Səbail və Yasamal rayonlarında qeydə alınıb – 37 faizə yaxın. Nəsimi və Nizami rayonlarında torpaq qiyməti bir il əvvələ nisbətən ¼ dəfə, Nərimanov rayonunda isə 1/5 dəfə qalxıb. Ən  zəif bahalaşma Qaradağ rayonunda olub – 7 faizdən biraz çox.

Hazırda Bakıda ən bahalı torpaq sahəsi Səbail rayonundadır – sotu təxminən 442 min manat, ən ucuz torpaq sahəsini isə Pirallahı rayonunda almaq olar – sotu 10 min manata.

Avqust ayı Bakının bütün rayonlarında fərdi yaşayış evlərinin qiymətlərinin artması ilə yadda qalıb.

"Azərbaycan Qiymətləndiricilər Cəmiyyəti" İctimai Birliyinindən Yurd.Media-ya bildirilib ki, ötən ay belə mülklər ən çox Xəzər rayonunda bahalaşıb (2,1%). Ay ərzində qiymət artımı ilə fərqlənən digər rayonlar Nərimanov (1,5 %) və Xətai (1,3 %) rayonlarıdır.

İl ərzində isə ən çox bahalaşma Səbail rayonunda qeydə alınıb - 26,5 %. Müqayisə üçün bildirək ki, başqa heç bir rayonda fərdi evlərin qiymətində 20 %-dən çox artım olmayıb.

Ümumilikdə isə Bakı üzrə evlərin qiyməti ötən ay ərzində 1 %, il ərzində isə 14 % qalxıb.

Yurd.Media-nın bu ay Bakıda dəyişən daşınmaz əmlak qiymətləri ilə bağlı hazırladığı digər infoqrafikaları təqdim edirik:

Bakıda yeni tikililərin rayonlar üzrə qiymət artımı

Bakıda köhnə tikililərin qiyməti: Bəzi rayonlarda artıb, bəzilərində stabildir

Bakıda torpaq sahəsi yeni və köhnə tikili mənzillərdən daha çox bahalaşır

Bakının bu rayonunda qeyri-yaşayış sahələrinin qiymətində sıçrayış

Bakıda avqust ayında qeyri-yaşayış sahələrinin qiymətlərindəki artım məlum olub.

"Azərbaycan Qiymətləndiricilər Cəmiyyəti" İctimai Birliyinindən Yurd.Media-ya bildirilib ki, ötən ay “obyekt” qiymətləri ən çox Nərimanov rayonunda bahalaşıb – 2,5%. Digər 2 faizlik artım göstəricisi isə paytaxtın Səbail rayonundan olub.

İl ərzində isə 20 faizdən çox bahalaşma iki rayonda izlənilib – Nərimanov (22 %) və Nəsimidə (21 %). Göründüyü kimi, Nərimanov rayonunda bu seqment daşınmaz əmlakın qiymətinin artması digər rayonları xeyli geridə qoyur.

Ümumilikdə isə Bakı üzrə qeyri-yaşayış sahələrinin qiyməti ötən ay ərzində 1,1 %, il ərzində isə 13,5 % qalxıb.

İctimai Birliyinin sədri Vüqar Oruc bildirib ki, mərkəzi rayonlarda qiymət artımı təklifin az olması və yüksək tələbatla bağlıdır: "Səbail, Yasamal, Nəsimi və Nərimanov rayonlarında bahalaşma daha sürətli gedir. Çünki bu ərazilərdə torpaq və mənzil bazarında təklif məhduddur, eyni zamanda investorların, şirkətlərin və əhalinin marağı böyükdür. Periferik rayonlarda isə hələ geniş torpaq ehtiyatları və tikinti imkanları olduğuna görə artım nisbətən zəifdir".

Yurd.Media-nın bu ay Bakıda dəyişən daşınmaz əmlak qiymətləri ilə bağlı hazırladığı digər infoqrafikaları təqdim edirik:

Bakıda yeni tikililərin rayonlar üzrə qiymət artımı

Bakıda köhnə tikililərin qiyməti: Bəzi rayonlarda artıb, bəzilərində stabildir

Bakıda torpaq sahəsi yeni və köhnə tikili mənzillərdən daha çox bahalaşır

Bakının bütün rayonlarında ötən ay torpaq sahəsinin qiymətlərində artım qeydə alınıb.

"Azərbaycan Qiymətləndiricilər Cəmiyyəti" İctimai Birliyinindən Yurd.Media-ya bildirilib ki, ötən ay ən çox bahalaşma Xəzər rayonunda olub – 3,5 %. Bahalaşmada öndə gedən digər rayonlar – Nərimanov (3 %), Nəsimi (2,6 %), Sabunçudur (2,5 %).

İl ərzində olan bahalaşma dinamikasına baxanda isə lider Səbail rayonudur – torpaq qiymətləri ötən ilin avqust ayı ilə müqayisədə 27,8 % artıb.  İl ərzində 20 faizdən çox bahalaşma həmçinin Yasamal (24,7 %), Nəsimi (22 %) və Nizami (20 %) rayonlarında qeydə alınıb. Ümumilikdə isə Bakı üzrə il ərzində torpaq sahəsi bazarında 17 % bahalaşma olub.

Yurd.Media-nın daha əvvəl təqdim etdiyi infoqrafikalar əsasında araşdırmalar zamanı aydın olur ki, Bakıda torpaq sahələrinin qiymətinin artım sürəti istər yeni tikili, istər köhnə tikili mənzilləri geridə qoyur.

Bakının əksər rayonlarında köhnə tikili mənzillərin qiyməti avqust ayında da artıb.

"Azərbaycan Qiymətləndiricilər Cəmiyyəti" İctimai Birliyinindən Yurd.Media-ya bildirilib ki, ötən ay ən çox bahalaşma Nərimanov rayonunda olub – 1,4 %. Bahalaşmada öndə gedən digər rayonlar - Nəsimi (1,2 %), Sabunçu (1,1 %), Xətai (1 %) və Səbaildir (1 %). Yasamal və Suraxanı rayonlarında qiymətlər ay ərzində stabil qalıb, Xəzər rayonunda isə gözlənilmədən aşağı düşüb (0,5 %).

Lakin bu müvəqqəti tendensiyadır. Belə ki, il ərzində olan dinamikaya baxsaq həmin Xəzər rayonunda 9 %-lik bahalaşma qeydə alınıb.  İllik müqayisədə ən çox bahalaşma isə Səbail (25,2 %), Yasamal (24,5 %) və Nəsimi (19,6 %) rayonlarında qeydə alınıb. Ümumilikdə isə Bakı üzrə il ərzində köhnə tikili mənzil bazarında 11,4 %-lik bahalaşma olub.

İctimai Birliyinin sədri Vüqar Oruc hesab edir ki, bu dinamika yaxın illərdə də davam edə bilər: " Ən çox investisiya mərkəz rayonlara yönəldiyi üçün gələcəkdə də mərkəz və kənar ərazilər arasında qiymət fərqlərinin dərinləşməsi mümkündür".

Yurd.Media daha əvvəl yeni tikili mənzillərin də qiymət artımına dair məlumat dərc edib.