Azərbaycanda daşınmaz əmlakın kapitalizasiya müddəti 23 ilə çatıb

Bu ilin I yarısının yekununda Azərbaycanda daşınmaz əmlaka yatırılan investisiyanı kirayə (icarə) yolu ilə geri qaytarmaq üçün 23 il lazım olub.

Bu barədə Yurd.Media-ya Azərbaycan Mərkəzi Bankından bildirilib.

Məlumata görə, bu, ötən ilin eyni dövrü ilə müqayisədə yarım il çoxdur.

Maraqlıdır ki, kapitalizasiya müddətinin artması median aylıq kirayə haqqının 3,85% artaraq 917 manata çatması fonunda baş verib.