Xalq Bank

ASC “Xalq” Bankı Azərbaycan Respublikasının Mərkəzi Bankının lisenziyası əsasında 27 dekabr 2004-cü il tarixdən fəaliyyətə başlamışdır. Hazırda Xalq Bank 9-u paytaxtda, 21-i ölkəmizin bölgələrində olmaqla, ümumilikdə 30 filialı özündə mövcuddur. Xalq Bank Azərbaycanda fəaliyyət göstərən kommersiya bankları arasında əsas maliyyə göstəriciləri üzrə sabit artım nümayiş etdirir.

Fəaliyyət
Xalq Bank fərdi və korporativ müştərilərə vahid platforma çərçivəsində xidmət göstərən internet və mobil bank sistemi XalqOnline bankçılıq sistemini istifadəyə verib. Bu mobil tətbiq vasitəsilə müştərilər hesaba onlayn nəzarət, həmçinin müxtəlif bank əməliyyatlarını məsafədən icra edə bilirlər.

Bundan əlavə, ASC “Xalq” Bankı müxtəlif Korporativ Sosial Məsuliyyət layihələrində də iştirak edir. Onlardan biri 2010-cu ildən “Xalq Əmanəti” layihəsidir. Layihənin əsas məqsədi Azərbaycan xalqının milli-mədəni irsinin qorunub gələcək nəsillərə ötürülməsindən və dünyaya tanıdılmasından ibarətdir.

Bu illər ərzində “Xalq Əmanəti” layihəsi çərçivəsində Azərbaycanın şairlərinin seçilmiş əsərləri, rəssamların həyat və yaradıcılığından bəhs edən bədii albomları, eləcə də xalq yaradıcılığına, folklora aid nümunələri nəşr olunaraq sənətsevərlərin ixtiyarına verilib.

Hazırda layihəyə aid fərqli dillərdə 22 kitab nəşr olunmuşdur.