Bu il oktyabrın 1-nə Azərbaycandakı 22 bankdan 5-nin kredit portfeli 1,5 milyard manatdan çox olub.
Yurd.Media xəbər verir ki, bunlar, “Azərbaycan Beynəlxalq Bankı” (6 239 milyon manat), “Kapital Bank” (4 806,5 milyon manat), “PAŞA Bank” (3 258,95 milyon manat), “Xalq Bank” (1 777,2 milyon manat) və “Bank Respublika”dır (1 566,2 milyon manat).
Qalan 17 bankdan 3-də kredit portfeli 1-1,5 milyard manat arasında, 13 bankda 0,1-1 milyard manat arasında, 1 bankda isə cəmi 2,2 milyon manat olub.
Son 1 ildə 22 bankdan 2-nin - “Bank Avrasiya” və “Xalq Bank”ın kredit portfeli azalıb. Müvafiq olaraq 2,3% və 5.8%. 20 bankın isə kredit portfeli artıb.
Ən yüksək dinamika “Ziraat Bank Azərbaycan”da (65%), ən aşağı dinamika isə “Bank BTB”də (0,4%) qeydə alınıb.
