Bu il aprelin 1-nə, bank olmayan kredit təşkilatına (BOKT) çevrilməyə qərar vermiş “Bank BTB” ASC istisna olmaqla, ölkədə fəaliyyət göstərən 21 bankdan 5-nin kredit portfeli 1,5 milyard manatdan çox olub.
Yurd.Media araşdırmasına görə, bunlar, “Azərbaycan Beynəlxalq Bankı” (6 553 milyon manat), “Kapital Bank” (4 807,7 milyon manat), “PAŞA Bank” (3 216,8 milyon manat), “Xalq Bank” (1 772,2 milyon manat) və “Bank Respublika” (1 624 milyon manat) ASC-lərdir.
Qalan 16 bankdan 3-də kredit portfeli 1-1,5 milyard manat arasında, 12 bankda 0,1-1 milyard manat arasında, 1 bankda isə cəmi 2,1 milyon manat olub.
Son 1 ildə 21 bankdan 2-nin – “PAŞA Bank” və “Xalq Bank” ASC-lərinn kredit portfeli azalıb - müvafiq olaraq 0,1 % və 1,2%.
19 bankın isə kredit portfeli artıb. Ən yüksək dinamika “AFB Bank”da (78,6%), ən aşağı dinamika isə “Azər-Türk Bank”da (0,1%) qeydə alınıb.
Yurd.Media-nın bankların 2026-cı ilin I rübünün göstəriciləri ilə bağlı daha əvvəl hazırladığı materialları təqdim edirik:
- Aparıcı bankların aktivlərində AZALMA - SİYAHI
- Qiymətli kağızlara investisiyaları artıran banklar - SİYAHI
