Bu ilin yanvar-sentyabr aylarında Azərbaycandakı 22 bankdan 5-nin qeyri-faiz xərcləri 90 milyon manatdan çox olub.
Yurd.Media xəbər verir ki, bunlar, “Kapital Bank” (686 milyon manat), “Azərbaycan Beynəlxalq Bankı” (439,9 milyon manat), “PAŞA Bank” (265,9 milyon manat), “Unibank” (156,7 milyon manat) və “Bank Respublika”dır (98,5 milyon manat).
Qalan 17 bankdan 15-də qeyri-faiz xərcləri 10-90 milyon manat arasında, 2 bankda isə 10 milyon manatdan az olub.
Son 1 ildə 22 bankdan 1-nin – “PAŞA Bank”ın qeyri-faiz xərcləri azalıb – 1%.
21 bankın isə qeyri-faiz xərcləri artıb. Ən yüksək dinamika “Bank Avrasiya”da (25,2%), ən aşağı dinamika isə “Yelo Bank”da (0,2%) qeydə alınıb.
