Bu ilin yanvar-sentyabr aylarında Azərbaycandakı 22 bankdan 5-nin əməliyyat xərcləri 150 milyon manatdan çox olub.
Yurd.Media xəbər verir ki, bunlar, “Kapital Bank” (963,1 milyon manat), “Azərbaycan Beynəlxalq Bankı” (723,3 milyon manat), “PAŞA Bank” (407,4 milyon manat), “Unibank” (230,3 milyon manat) və “Bank Respublika”dır (189,3 milyon manat).
Qalan 17 bankdan 6-da əməliyyat xərcləri 100-150 milyon manat arasında, 9 bankda 10-100 milyon manat arasında, 2 bankda isə 10 milyon manatdan az olub.
Son 1 ildə 22 bankın hamısının əməliyyat xərcləri artıb. Ən yüksək dinamika “Ziraat Bank Azərbaycan”da (55,4%), ən aşağı dinamika isə “Azərbaycan Sənaye Bankı”nda (2,1%) qeydə alınıb.
