"Azərbaycan Beynəlxalq Bankı" ASC (ABB) 2025-ci ilin I yarısının yekunları ilə bağlı idarəetmə hesabatını açıqlayıb.
Yurd.Media xəbər verir ki, sənədə əsasən, yanvar-iyun aylarında Bankın 2 277 fiziki şəxs və 1 hüquqi şəxs səhmdarı payını satıb.
Beləliklə, ABB-da pay sahibi olan fiziki şəxslərin sayı 29 921-ə, hüquqi şəxslərin sayı isə 32-yə düşüb.
Ötən il iyulun 1-nə dövlət bankının cəmi 1 779 fiziki şəxs və 15 hüquqi şəxs səhmdarı var idi.
ABB-nin nizamnamə kapitalının 4,6% artırılaraq 1 225,65 milyon manatdan 1 281,27 milyon manata çatdırılmasından sonra fiziki şəxslərin sayı 32 198-ə, hüquqi şəxslərin sayı isə 33-ə yüksəlmişdi. Yəni, bank xeyli sayda yeni səhmdar cəlb etmişdi. Görünən isə odur ki, onların bir qismi kredit təşkilatının səhmlərini almağa peşman olublar.
