"Holcim Azərbaycan” Açıq Səhmdar Cəmiyyəti (ASC) cərimə olunub.
Yurd.Media-nın əldə etdiyi məlumata görə, İqtisadiyyat Nazirliyi yanında Dövlət Vergi Xidmətinin Milli Gəlirlər Baş İdarəsi tərəfindən ASC-də yoxlama aparılıb.
Belə ki, şirkətin sonuncu növbəti illik ümumi yığıncağının protokolunun 15 iş günü ərzində deyil, 25-ci iş günündə təqdim edildiyi aşkarlanıb.
Azərbaycanın iri sement istehsalçısı olan “Holcim Azərbaycan” barəsində İnzibati Xətalar Məcəlləsinin 405-ci maddəsi ilə protokol tərtib edilib.
Qaradağ Rayon Məhkəməsinin qərarı ilə “Holcim Azərbaycan” 2500 manat cərimə olunub.
Xatırladaq ki, 70 ölkədə fəaliyyət göstərən “Holcim” şirkətı Azərbaycanda 2000-ci ildən fəaliyyətə başlayıb. Onun nizamnamə kapitalı 31,8 milyon manatdır. Şirkətin səhmlərinin 86 %-i İsveçrənin “Lafarge Holcim” və “Holcim Auslandbeteiligungs GmbH.” şirkətlərinə (müvafiq olaraq 76 % və 10 %), 14%-i isə fiziki şəxslərə məxsusdur. “Holcim Azerbaijan”in illik istehsal gücü 1,7 milyon tondur. Şirkətin baş direktoru bir il əvvəl təyin olunan Sergio Stoikovdur.
