Azərbaycan Respublikası Dövlət Neft Şirkəti “Azneft” İstehsalat Birliyinin (İB) böyük məbləğdə cərimələnib.
Yurd.Media-nın əldə etdiyi məlumata görə, “Azneft” İB barəsində Ekologiya və Təbii Sərvətlər Nazirliyinin 11 saylı Regional Ekologiya və Təbii Sərvətlər İdarəsi tərəfindən protokol tərtib olunub.
Belə ki, Qaradağ rayonu, Lökbatan-Qızıldaş yolu istiqamətində yolun sol hissəsində İstehsalat Birliyinin Ə.C.Əmirov adına NQÇİ-nin ərazisində tullantıların atılaraq basdırılma işlərinin görülməsi faktı aşkar edilib.
Bununla bağlı Birliyin barəsində İnzibati Xətalar Məcəlləsinin 266.1 və 266.2-ci maddələri ilə protokol tərtib edilib və baxılması üçün Qaradağ Rayon Məhkəməsinə göndərilib.
Məhkəmənin qərarı ilə Dövlət Neft Şirkəti “Azneft” İstehsalat Birliyi 10 min manat cərimə edilib.
