Azərbaycan Mərkəzi Bankı 2026-cı ilin I rübünün yekunları ilə bağlı sığorta icmalını açıqlayıb.
Yurd.Media xəbər verir ki, yanvar-mart aylarında yerli sığorta şirkətləri 417,75 milyon manat sığorta haqqı toplayıb, 218,45 milyon manat sığorta ödənişi edib.
Bunlar, ötən ilin eyni dövrü ilə müqayisədə müvafiq olaraq 4,7% və 33,2% çoxdur.
Xatırladaq ki, yanvar-fevral aylarının yekununda sığorta haqları 1,3% azalmış, sığorta ödənişləri isə 37% artmışdı. 3 ayda sığorta bazarında toplanmış hər 100 manat sığorta haqqının 52,3 manatı ödəniş edilib.
Ötən ilin eyni dövründə bu göstərici 41,1 manat olub.
