“PAŞA Holdinq” MMC-yə məxsus “Seaside” MMC ləğv olunduğunu elan edib.
Yurd.Media xəbər verir ki, şirkət bununla bağlı İqtisadiyyat Nazirliyi yanında Dövlət Vergi Xidmətinin “Vergilər” qəzetində elan verib.
Elanda deyilir ki, kreditorlar iki ay ərzində tələblərini Bakı şəhəri, Nəsimi rayonu, Neftçilər prospekti, ev 153 ünvanına bildirə bilərlər.
Kommersiya qurumlarının dövlət reyestri məlumatlarına əsasən, “Seaside” 2024-cü ilin iyun ayında 100 manat nizamnamə kapitalı ilə qeydiyyatdan keçib. Onun qanuni təmsilçisi Elmar Savadxan oğlu Ağayevdir.
