“Mono Logistics” Məhdud Məsuliyyətli Cəmiyyət (MMC) cərimə olunub.
Yurd.Media-nın əldə etdiyi məlumata görə, Maliyyə Nazirliyi Uçot siyasəti şöbəsi tərəfindən MMC-də yoxlama aparılıb.
Məlum olub ki, logistika və gömrük sahəsində fəaliyyət göstərən “Mono Logistics” MMC 2024-cü il üzrə maliyyə hesabatlarının 2025-ci ildə həyata keçirilməli olan məcburi auditindən yayınıb.
Buna görə də MMC barəsində İnzibati Xətalar Məcəlləsinin 464-cü maddəsi üzrə protokol tərtib olunub.
Sabunçu Rayon Məhkəməsinin qərarı ilə MMC 1500 manat məbləğində cərimə olunub.
Qeyd edək ki, iki il əvvəl yaradılmış “Mono Logistics” MMC-nin direktoru Ceyhun Əzimovdur.