“BG Company” Məhdud Məsuliyyətli Cəmiyyətinin (MMC) dövlətə vergi borcu kəskin artıb.
Yurd.Media-nın əldə etdiyi məlumata görə, şirkətin vergi borcu 3 dəfəyə qədər artaraq 744 min manatdan 2,1 milyon manata yüksəlib.
Qeyd edək ki, 2022-ci ildən fəaliyyət göstərən “BG Company” MMC-nin nizamnamə kapitalı cəmi 10 manatdır. Şirkətin direktoru Sərxan Hüseynovdur.
Şirkət qida və qeyri-qida məhsullarının idxalı, topdan və pərakəndə satışı, dəftərxana ləvazimatlarının təchizatı, texnologiya məhsulları və poliqrafiya xidmətləri ilə məşğuldur.
