Qara ciyər insan bədənində ən əhəmiyyətli orqanlardan biri hesab olunur. O, həm zərərli maddələrin orqanizmdən kənarlaşdırılmasında, həm də müdafiə sisteminin möhkəmləndirilməsində mühüm funksiya daşıyır. Tibb mütəxəssisləri qeyd edirlər ki, sağlam qidalanma qara ciyərin normal fəaliyyətini qorumasının başlıca amilidir.
Yurd.Media xəbər verir ki, ekspertlərin fikrincə, brokoli qara ciyəri mühafizə edən və onu "şüşə kimi" pak edən ən dəyərli məhsullardan biridir. Bu tərəvəzin tərkibində olan sulforafan komponenti orqanizmdə zərərli toksinlərin parçalanmasını və qan dövranından çıxarılmasını təmin edir.
Brokolinin mütəmadi qəbul edilməsi:
* Qara ciyərdə yağ toplanmasının qarşısını alır,
* İltihab əleyhinə xüsusiyyət göstərir,
* Bədəndə sərbəst radikalları zərərsizləşdirərək onkoloji xəstəlik riskini azaldır.
Qidalanma üzrə mütəxəssislər brokolinin buxarda hazırlanmış və ya az miqdarda yağla qovrulmuş şəkildə istehlakını daha səmərəli sayırlar. Bundan əlavə, onu salat, şorba və fərqli yeməklərin tərkibində gündəlik qida rasionuna daxil etmək məsləhət görülür.
Ekspertlər bildirirlər ki, qara ciyərin sağlamlığını qorumaq üçün təkcə brokoli deyil, ümumən yaşıl tərəvəzlərin bol miqdarda qəbulu, spirtli içkilərdən imtina etmək və tarazlı qidalanma rejimi izləmək böyük önəm daşıyır.
