İştahsızlıq orqanizmin müəyyən qida maddələrinə və ya bütövlükdə qidalanma prosesinə olan marağının zəifləməsi ilə özünü göstərir. Bu vəziyyət müxtəlif tibbi və psixoloji səbəblərlə yanaşı, bəzi qida məhsullarının qəbulu nəticəsində də meydana gələ bilər.
Yurd.Media xəbər verir ki, aşağıda sadalanan qidalar və içkilər iştahsızlığın yaranmasına təkan verə bilər:
Qazlı və şəkərli içkilər
Belə içkilər mədə turşusunun balansına mənfi təsir göstərərək mədə-bağırsaq sisteminin işində müvəqqəti pozğunluqlara yol açır və iştahın zəifləməsinə gətirib çıxarır.
Süni dadlandırıcılarla zəngin məhsullar
Az kalorili şirinləşdirilmiş qida məhsulları beyində doyma siqnalının səhv qavranılmasına səbəb ola bilər, bu isə öz növbəsində iştahın azalması ilə nəticələnir.
Kofein tərkibli içkilər
Boş mədəyə içilən qəhvə və buna bənzər içkilər mədə turşusunun yüksəlməsinə, bunun ardınca isə iştahın itməsinə gətirib çıxara bilər.
Sürətli (fast food) yeməklər
Doymuş yağlar və yüksək miqdarda duz ehtiva edən bu cür qidalar qısamüddətli toxluq hissi versə də, uzun müddətdə iştahsızlığın formalaşmasına səbəb ola bilər.
Kəskin qoxulu və ya dadlı qidalar (sarımsaq, soğan və s.)
Bu məhsullar bəzi insanlarda mədə turşuluğunun artmasına yol açmaqla bərabər, yemək istəyinin azalmasına da təsir göstərə bilər.
