"Beth Israel Deaconess" Tibb Mərkəzinin mütəxəssisləri aşkar ediblər ki, iki il müddətində D vitamini əlavələrinin istifadəsi dozadan asılı olmayaraq ürək-damar xəstəliklərinin yaranma ehtimalını azaltmayıb.
Yurd.Media xəbər verir ki, bu barədə "American Journal of Preventive Cardiology" nəşri məlumat yayıb.
D vitamini əlavələrinin ürək üzərindəki təsirini dəyərləndirmək məqsədilə araşdırmaçılar maddənin daha yüksək dozalarının ürəyin zədələnməsini və gərginliyini əks etdirən qandakı iki spesifik zülalın konsentrasiyasını azaldıb-azaltmadığını öyrəniblər.
Aparılan təhlil böyükyaşlı insanlarda ürək-damar xəstəlikləri riskinin azaldılmasında D vitamini əlavəsinin effektivliyini sübut etməyib. Araşdırmaçılar bildiriblər ki, D vitamininin aşağı səviyyəsi ürək xəstəliyinin erkən əlamətləri ilə bağlıdır. Lakin iki illik müşahidə müddəti ərzində hədəfli əlavələr, dozadan asılı olmayaraq, ürək-damar sağlamlığının heç bir göstəricisinə müsbət təsir göstərməyib.
