Kələm, brokkoli, turp, şalğam, gül kələmi kimi tərəvəzlərin mütəmadi istehlakı bir sıra xərçəng növünün yaranma ehtimalını nəzərəçarpacaq dərəcədə aşağı salır.
Yurd.Media "UK Express" nəşrinə istinadla yaydığı xəbərə əsasən, bu fikirləri britaniyalı qidalanma mütəxəssisi Toral Şah səsləndirib.
O, xaççiçəklilər fəsiləsinə aid olan tərəvəzlərin təəccüb doğuran faydalı keyfiyyətlərini şərh edib.
"Xaççiçəklilər fəsiləsinə daxil olan tərəvəzlərin əsas üstünlüyü onların zəngin komponentlərindədir. Bu bitkilər həzm prosesini canlandıran və xeyirli bağırsaq mikroflorasına qida təmin edən yüksək həcmdə lif tərkibinə malikdir. Bu amil ən çox rast gəlinən onkoloji xəstəliklərdən hesab olunan bağırsaq xərçənginin önlənməsində mühüm əhəmiyyət daşıyır", - deyə mütəxəssis qeyd edib.
Ekspertin açıqlamasına əsasən, xaççiçəklilər fəsiləsinə mənsub tərəvəzlər eyni zamanda vitaminlər, mineral maddələr və karotinoidlərin dəyərli qaynağıdır.
"Bu məhsullar qəbul edildikdə orqanizmdə indol və sulforafan kimi bioloji aktiv komponentlər formalaşır. Həmin birləşmələr iltihabı aradan qaldıran təsirləri və metastazların yayılmasının qarşısını almaq potensialı hesabına xərçəng ehtimalını minimuma endirməyə yardımçı olur", - deyə həkim diqqətə çatdırıb.
Statistik məlumatlara görə, xaççiçəklilər fəsiləsindən olan tərəvəzləri daimi şəkildə qida rasionuna əlavə edən şəxslər bu bitkiləri yeməyən insanlarla müqayisədə 20-40% daha az onkoloji xəstəliklərə tutulurlar.
