Günə başlamazdan öncə səhər əllərinizi, üzünüzü və dişlərinizi təmizləmək sağlamlığın qorunması baxımından böyük əhəmiyyət daşıyır.
Yurd.Media xəbər verir ki, alimlər tərəfindən həyata keçirilən tədqiqat nəticəsində müəyyən edilib ki, bədənin müəyyən bir nahiyəsini təmizləmədikdə iki növ xərçəngə yoluxma ehtimalı əhəmiyyətli dərəcədə yüksəlir.
Nyu-York Universitetinin (NYU) tədqiqat müəllifi professor Riçard Heys xərçəng riskini ən aşağı səviyyəyə endirmək üçün keyfiyyətli ağız gigiyenasının təmin olunmasının vacibliyini vurğulayır. Bu səbəbdən diş fırçalama prosesinə kifayət qədər vaxt ayırmaq sağlamlığınızın qorunması üçün mühüm şərtdir. Macmillan Xərçəngə Dəstək Mərkəzinin məlumatına görə, baş və boyun xərçəngi hallarının on nəfərdən doqquzunda xəstəlik ağız, burun və boğazın selikli qişasını əhatə edən skuamöz hüceyrələrdən başlayır.
"JAMA Oncology" jurnalında dərc olunan tədqiqatda təqribən 160 min nəfərin qidalanma vərdişləri, yaşayış tərzi və xəstəlik tarixçələri təhlil edilib. Həmin iştirakçılar ağız qarqarası və tüpürcək nümunələri təqdim ediblər. Sonradan bu nümunələr və mikroorqanizmlər laboratoriya sınaqlarından keçirilib. 236 nəfərə baş və boyun skuamöz hüceyrəli karsinoma diaqnozu qoyulub. Onların ağız mikrobiotasının DNT-si xərçəng xəstəliyi olmayan 458 iştirakçının DNT-si ilə tutuşdurulduqda, xərçəngə səbəb ola biləcək 13 fərqli növ bakteriya müəyyən edilib.
