Azərbaycanın bölgələrindən yanvar ayında 38 aptekdə yoxlamalar həyata keçirilib.
Səhiyyə Nazirliyinin Analitik Ekspertiza Mərkəzindən Yurd.Media-ya verilən məlumata görə, ümumilikdə ötən ay Azərbaycanda 48 əczaçılıq müəssisəsində yoxlama aparılıb.
Bildirilib ki, yoxlamalardan 10-u Bakı şəhərində, 38-i isə respublikanın digər şəhər və rayonlarında yerləşən apteklərdə həyata keçirilib.
Keçirilən yoxlamaların 32-si planlı, 16-sı isə plandankənar olub.
Nəticələrə əsasən, 7 aptekdə müxtəlif nöqsanlar aşkar edilib.
Aşkarlanmış pozuntularla bağlı İnzibati Xətalar Məcəlləsinin maddələrinə əsasən protokollar tərtib edilib.
