Bakıda tanınmış özəl klinikalardan olan "REO-MED Tibb Mərkəzi" Məhdud Məsuliyyətli Cəmiyyətinin böyük məbləğdə vergi borcu yaranıb.
Yurd.Media-nın əldə etdiyi məlumata görə, hazırda Tibb Mərkəzinin dövlətə borcu 34,5 min manat təşkil edir.
Bakı şəhəri, Binəqədi rayonu, Səttar Bəhlulzadə küçəsi, ev 22 ünvanında yerləşən "REO-MED Tibb Mərkəzi" 2013-cü ildən fəaliyyət göstərir, rəhbəri Zülfü Əliyevdir.
Qeyd edək ki, qanunvericiliyə əsasən, vergi borcunun vaxtında ödənilməməsi müəssisənin maliyyə-təsərrüfat fəaliyyətinə qarşı ciddi sanksiyaların, o cümlədən hesablara həbs qoyulması kimi tədbirlərin görülməsinə əsas verə bilər.
