Toyuq və hinduşka əti münasib qiymətli və qidalı məhsullar sırasına daxildir, sağlam həyat tərzi sürənlər üçün əlverişli hesab olunur. Lakin cəmiyyətdə sağlamlığa yararlı qidaların seçilməsi məsələsində yanlış təsəvvürlər mövcuddur. Bəs bu iki quş ətindən hansı orqanizm üçün daha çox fayda verir?
Yurd.Media xəbər verir ki, ekspertlər bu məsələni şərh edərkən bildirirlər ki, quş ətinin qidalılıq göstəriciləri onun növündən daha çox, toyuq və ya hinduşka cəmdəyinin konkret hissəsindən asılıdır.
Əsas fərqlər nədədir?
Toyuq döşü hinduşkanın oxşar hissəsi ilə qarşılaşdırıldıqda müqayisəyə tab gətirə bilmir.
Dərisiz hinduşka ətində xolesterin miqdarı daha azdır, dəmir isə daha yüksək səviyyədədir.
Zülal miqdarına gəldikdə isə, toyuq və hinduşka əti arasında demək olar ki, fərq yoxdur.
Bu göstəriciyə əsasən, tünd toyuq əti hinduşka ətindən yalnız 3 qram az zülal ehtiva edir.
Hinduşka ətinin əlavə bir əhəmiyyətli cəhəti beyin fəaliyyəti və yaddaşın gücləndirilməsi üçün vacib olan xolin maddəsinin tərkibindəki miqdarıdır. Hinduşka bu maddədən toyuqa nisbətən daha çox ehtiva edir.
Yekun qənaət
Hər bir halda, istər toyuq, istərsə də hinduşka əti qırmızı ətlə müqayisədə sağlamlıq üçün daha az risk daşıyır.
Hinduşka və toyuq əti mal ətinə nisbətən daha asan həzm olunur, hətta toyuq əti həzm prosesi baxımından bir qədər daha üstündür.
