Kolon xərçəngi dünyada dördüncü ən geniş yayılmış onkoloji xəstəlik olub, xərçəngdən ölümün ikinci əsas amilidir. Lakin xəstəliyin vaxtında müəyyən edilməsi və müvafiq müalicənin aparılması sağalma ehtimalını xeyli artırır. Bu xəstəliklə bağlı ən cüzi şübhə yarandıqda dərhal mütəxəssisə müraciət etmək böyük əhəmiyyət daşıyır.
Yurd.Media xəbər verir ki, kolorektal xərçəng, həmçinin bağırsaq xərçəngi adı ilə tanınan bu xəstəlik yoğun bağırsaq və düz bağırsağı hədəf alır. İlkin mərhələlərdə xəstəlik çox vaxt nəcisdə qan izləri və ya anal nahiyədən qanaxma ilə özünü biruzə verir, ancaq bu kimi əlamətlər hemoroid və bənzər xəstəliklərlə səhv salına bilər ki, bu da həkimə müraciətin gecikməsinə səbəb olur.
Sonrakı mərhələlərdə bağırsaq xərçəngi daha ağır simptomlarla təzahür edir və xəstəliyin bütün orqanizmə yayıldığını göstərir. Xüsusilə, xərçəng erkən aşkar edilmədikdə və ya ilkin terapiyadan sonra inkişafını davam etdirdikdə qaraciyər və ya ağciyərlərə metastaz vermə ehtimalı yaranır.
Xərçəngin ağciyərlərə yayıldığını bildirən əsas göstəricilərdən biri gecə saatlarında davam edən öskürəkdir. Bu hal nəfəs çatışmazlığı, tənəffüs yollarının tez-tez infeksiyalara məruz qalması, qanlı öskürək, eləcə də ağciyərlərlə döş qəfəsi divarı arasında plevral efüzyon adlanan maye toplanması ilə müşayiət edilə bilər.
Bağırsaq xərçənginin proqressiyasını göstərən digər əlamətlər aşağıdakılardır:
Daimi yorğunluq hissi və enerji səviyyəsinin aşağı düşməsi;
İştahın itməsi.
Ağciyərlərə metastaz zamanı aşağıdakı simptomlar müşahidə oluna bilər:
Qarının sağ hissəsində ağrı və ya diskomfort;
Bu nahiyədə ağrılı hisslər;
İştahsızlıq və bədən çəkisinin gözlənilmədən azalması;
Şişkinlik;
Dərinin saralması (sarılıq);
Dəridə qaşınma.
Xərçəng sümüklərə yayıldığı halda aşağıdakı əlamətlər baş verə bilər:
Zədələnmiş sümüklərdə ağrı;
Sümüklərin kövrəkləşməsi;
Davamlı yorğunluq;
Ürəkbulanma;
Qəbizlik;
Qıcıqlanmanın güclənməsi;
Daimi susuzluq hissi;
Qarışıqlıq və ya düşüncə aydınlığının itirilməsi.
