Azərbaycanda icra hakimiyyəti başçısının oğlu nazir müşaviri təyin olundu.
Yurd.Media xəbər verir ki, ekologiya və təbii sərvətlər nazirinə yeni müşavir təyin edilib. Müvafiq əmrlə bu vəzifəyə Şamil Əzizov gətirilib.
Bununla nazirin müşavirlərinin sayı üçə çatıb.
Qeyd edək ki, Şamil Əzizov Bakı Şəhər İcra Hakimiyyətinin başçısı Eldar Əzizovun oğludur.
Şamil Əzizov bundan əvvəl Heydər Əliyev Mərkəzində direktorun köməkçisi, həmçinin Heydər Əliyev Fondunun icraçı direktorunun köməkçisi vəzifələrində çalışıb. Hazırda o, Ekologiya və Təbii Sərvətlər Nazirliyində nazirin müşaviri kimi fəaliyyət göstərəcək.//Bakıvaxtı
