“DİZA” Məhdud Məsuliyyətli Cəmiyyət (MMC) əmək qanunvericiliyi qaydalarını pozmaqda ittiham edilib.
Yurd.Media-nın əldə etdiyi məlumata görə, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Bakı şəhər İdarəsi tərəfindən şirkətdə araşdırma aparılıb.
Məlum olub ki, “DİZA” MMC-dən 7 iş günü müddətinə Əmək və Əhalinin Sosial Müdafiəsi Nazirliyi yanında Əmək Müfəttişliyi Xidmətinə işçilərlə bağlı sənədlərin verilməsi tələb olunsa da, cari tarixədək müvafiq sənədlər təqdim olunmayıb.
Nəticədə “DİZA” MMC-nin barəsində İnzibati Xətalar Məcəlləsinin 539.3-cü maddəsi ilə protokol tərtib edilib, Səbail Rayon Məhkəməsinin qərarı ilə 2 min manat cərimə edilib.
Şirkətə törətdiyi hüquqpozmanı aradan qaldırması üçün 1 ay müddət təyin edilib.
