Avqustda 74 nəqliyyat vasitəsi özəlləşdirilib

Avqust ayında Azərbaycanda dövlət əmlakının özəlləşdirilməsi üzrə 4 hərrac keçirilib. 

Bu barədə Yurd.Media-ya İqtisadiyyat Nazirliyi yanında Əmlak Məsələləri Dövlət Xidmətindən bildirilib. 

Məlumata görə, hərraclada 74 nəqliyyat vasitəsi satılıb. 

Ötən ay hər hansı səhmdar cəmiyyətinin səhm paketi, kiçik dövlət müəssisəsi və yarımçıq tikili sahəsi özəlləşdirilməyib. 

Ay ərzində dövlət əmlakının özəlləşdirilməsindən dövlət büdcəsinə 2,4 milyon manat vəsait daxil olub.