Azərbaycan Respublikasının 2026-cı il dövlət büdcəsi haqqında” qanun layihəsində özəl sektorda çalışanlarən gəlir vergisinə cəlb olunması öz əksini tapıb.
Yurd.Media xəbər verir ki, 2019-cu ildən qüvvədə olan, qeyri-neft-qaz və qeyri-dövlət sektorlarında çalışanlar üçün nəzərdə tutulmuş gəlir vergisi ilə bağlı güzəştin müddəti artırılmayacaq.
2026-cı ildə aylıq gəliri 2 500 manata qədər olanlar bunun 3 %-i qədər vergi ödəyəcək.
Bu nisbət 2027-ci ildə 5 %, 2028-ci ildən isə 7 % olacaq.
Aylıq gəliri 2 500 manatdan 8 000 manata qədər olanların vergisi 2026-cı ildə 75 manat, eləcə də 2 500 manatdan 8 000 manata qədər hissənin 10 %-i qədər, 2027-ci ildə 125 manat, eləcə də 2 500 manatdan 8 000 manata qədər hissənin 10 %-i qədər, 2028-ci ildən isə 175 manat, eləcə də 2 500 manatdan 8 000 manata qədər hissənin 10 %-i qədər olacaq.
Aylıq gəliri 8 000 manatdan çox olanların vergisi isə 2026-cı ildə 625 manat və 8 000 manatdan artıq hissənin 14 %-i qədər, 2027-ci ildə 675 manat və 8 000 manatdan artıq hissənin 14 %-i qədər, 2028-ci ildən isə 725 manat və 8 000 manatdan artıq hissənin 14 %-i qədər olacaq.
Xatırladaq ki, Yurd.Media ötən bununla bağlı proqnozunu dərc etmişdi. Belə ki, 2026-cı il üçün Azərbaycanda dövlət büdcəsi gəlirlərinin 2 milyard 566,8 milyon manatının və yaxud 6,7 %-nin fiziki şəxslərin gəlir vergisi üzrə daxilolmaların payına düşəcəyinin proqnozlaşdırılmışdı. Maliyyə Nazirliyinin məlumatına görə, bu, 2025-cü ilin təsdiq olunmuş proqnozu ilə müqayisədə 29,05 % çoxdur.
