"Ziraat Bank Azərbaycan" ASC 2025-ci ilin yekunları ilə bağlı maliyyə göstəricilərini açıqlayıb.
Yurd.Media-nın əldə etdiyi məlumata görə, Bank ötən il 23,25 milyon manat xalis mənfəət əldə edib.
Bu, əvvəlki illə müqayisədə 60,3% çoxdur.
Bu ilin əvvəlinə "Ziraat Bank Azərbaycan"ın aktivləri ötən ilin əvvəlinə nisbətən 48,5% çox – 1 367,7 milyon manat, o cümlədən xalis kredit portfeli 44,8% çox – 766,85 milyon manat təşkil edib. Bankın öhdəlikləri 1 207,1 milyon manat (53,3% çox), o cümlədən depozit portfeli 682,7 milyon manat (20,7% çox), balans kapitalı isə 160,7 milyon manat (20,3% çox), o cümlədən nizamnamə kapitalı 65,5 milyon manat (dəyişməyib) olub.
