"Bank BTB" ASC-nin öz müraciəti əsasında bank olmayan kredit təşkilatına (BOKT) çevrilməsi, onun aktivlərinin və öhdəliklərinin isə "Azərbaycan Beynəlxalq Bankı" ASC-yə (ABB) ötürülməsi 1-cinin sakitcə bağlanmasıdır.
Yurd.Media hesab edir ki, “Bank BTB”nin BOKT kimi fəaliyyət göstərmək üçün onun bank fəaliyyəti dövründə formalaşmış müştəri bazası saxlanılmalıdır. Həmin müştəri bazası isə ABB-yə verilir.
Çox güman ki, portfeli olmayan BOKT bir müddət sonra bazarı özü tərk edəcək. Bunu indi etmək – “Bank BTB”nin lisenziyasını ləğv etmək bank sektorunun imici üçün problem yaradacağından, başqa sözlə, banklara etimadı azaldacağından ona müvəqqəti olaraq BOKT lisenziyasının verilməsi məqsədəuyğun hesab edilib.
Xatırladaq ki, "Bank BTB" 2010-cu ildə yaradılıb. Onun nizamnamə kapitalı 71,45 milyon manatdır. Bankın səhmlərinin 76,74 %-i Nigar Mehdiyevaya, 17,68 %-i Rza Sadiqə (Müşahidə Şurasının sədri), 5,58 %-i isə Tükəzban Mahmudovaya məxsusdur. Nigar Mehdiyeva Prezident Administrasiyasının sabiq rəhbəri, Səbail Rayon Məhkəməsinin qərarı ilə ağır cinayətlərdə ittiham olunaraq barəsində cinayət işi açılmış Ramiz Mehdiyevin gəlinidir.
