"KredAqro BOKT" MMC nizamnamə kapitalını kəskin artırdı.
Yurd.Media-nın əldə etdiyi məlumata görə, BOKT-un nizamnamə kapitalı 2 milyon manat və ya 66% artırılaraq 5 milyon manata çatdırıb.
Qeyd edək ki, "KredAqro BOKT" ötən ay da nizamnamə kapitalını 2 milyon manat atrırmışdı. Beləcə 2 ayda BOKT-un nizamnamə kapitalı 1 milyon manatdan 5 milyon manata çatdırılıb.
2000-ci ildən etibarən fəaliyyət göstərən “KredAqro BOKT" MMC ölkənin müxtəlif regionlarında 11 satış nöqtəsi ilə təmsil olunur. Onun rəhbəri Anar Əkbərovdur.
2025-ci ilin ilk yarısında "Kred Aqro"nun cəmi aktivləri 2 milyon 133 min manat və ya 17,8% azalaraq 9 milyon 818 min manata geriləyib.
"Kred Aqro BOKT" MMC-nin nizamnamə kapitalının 100%-i Rusiyanın "Agromostfinans" şirkətinə məxsusdur.
