ARDNF ötən il 27 milyard manat xalis mənfəət əldə edib

Dövlət Neft Fondu (ARDNF) 2025-ci ilin yekunları ilə bağlı maliyyə göstəricilərini açıqlayıb. 

Yurd.Media xəbər verir ki, Fond ötən il 26,9 milyard manat xalis mənfəət əldə edib. 

Bu, əvvəlki illə müqayisədə 3,4 dəfə çoxdur.

Bu ilin əvvəlinə ARDNF-in aktivləri ötən ilin əvvəlinə nisbətən 22,5% çox – 125,7 milyard manat təşkil edib. Fondun öhdəlikləri 0,5 milyard manat (11,3% çox), balans kapitalı isə 125,2 milyard manat (22,5% çox) olub.