2030-cu ilə qədər Azərbaycanda 20 yeni butik şərab evinin yaradılması hədəflənir.
Bu barədə Yurd.Media-ya Kənd Təsərrüfatı Nazirliyindən bildirilib.
Məlumata görə, kiçik (butik) şərabçılığın inkişafı da yeni dövlət dəstəyi istiqamətlərindən biri olacaq.
Bu istiqamətdə yerli üzüm sortlarından premium şərab istehsalı, aqroturizmin inkişafı və ixrac yönümlü mikrobrendlərin yaradılması təşviq ediləcək.
Təqdim edilən modeldə 5-20 ha olmaqla super-intensiv üzüm bağları üçün 20 000 manat/ha, intensiv üzüm bağları üçün isə 10 000 manat/ha bağçılıq subsidiyası nəzərdə tutulur.
