İşğaldan azad olunan ərazilərdə yağış və sel sularına qarşı mühafizə tədbirləri davam etdirilir.
Yurd.Media "İqtisadiyyat.az"a istinadən xəbər verir ki, Qubadlı rayonu Zilanlı, Mahruzlu və Xanlıq kəndlərinin yağış və sel sularının idarə olunması layihəsi çərçivəsində tikinti işləri aparılacaq.
Cəbrayıl, Qubadlı və Zəngilan Rayonlarında Bərpa, Tikinti və İdarəetmə Xidmətindən bildirilib ki, qurum bununla bağlı müvafiq hazırlıq işlərini yekunlaşdırıb.
Belə ki, sözügedən işlərin icrasını “Protean Construction” şirkəti həyata keçirəcək.
Bu işlərə 11 575 227 manat sərf olunacaq.
