Bakı metrosu yeni üsulla ödəniş qəbul etməyə başlayır

Metrodan keçid zamanı NFC dəstəkləyən bütün yerli bank kartları, eləcə də "Apple Pay" və "Google Pay" ilə ödəniş etmək mümkün olacaq.

Yurd.Media xəbər verir ki, bu barədə "Bakı Metropoliteni" Qapalı Səhmdar Cəmiyyəti məlumat yayıb.

Bildirilib ki, yenilik hazırda "bənövşəyi xətt"in bütün stansiyalarında ("Xocəsən", "Avtovağzal", "Memar Əcəmi" və "8 Noyabr") sınaq mərhələsindədir və tezliklə bütün xətlər üzrə aktiv olacaq.