“Umico” platformasında yerləşən "Teledoctor" mağazasından PS5 üçün joystick alan vətəndaş məhsulun orijinal olmadığını aşkarlayıb.
Yurd.Media xəbər verir ki, sosial şəbəkələrdə şikayətini qeyd edən müştəri bildirir ki, 18 avqust tarixində məhsulu aldıqdan dərhal sonra onun keyfiyyətinə baxaraq saxta olduğunu anlayıb. Mağaza ilə əlaqə saxladıqda isə ona bildirilib ki, məhsul onlara da “original” kimi təqdim edilib, geri qaytarmaq üçün "Umico" üzərindən sorğu yaradılması tələb olunub.
Sorğu yaradıldıqdan 3 gün sonra Umico əməkdaşı əlaqə saxlayıb və məhsulun yalnız kağız qəbz təqdim olunacağı halda geri qaytarıla biləcəyini deyib. Müştərinin bildirdiyinə görə, o, qəbzi artıq itirib və bu səbəbdən geri qaytarma prosesi mümkünsüz olub.
Şikayətçi ritorik sual edir: “Müştərinin qəbzi atmağı daha anormal haldır, yoxsa mağazanın saxta məhsul satması?”.
Müştəri məhsulun orijinal olmadığını fotosübutlarla təqdim edib:
Qablaşdırma yanlışdı
Qutu dizaynı orijinal deyil
Kitabça fərqlidir + çirklidir
"Original" stikeri olmamalıdır
Type-c girişində metal hissə içəridə olmalıdır
Dinamika hissəsinin içi görünməməlidir
Orta hissəsi çox oynayır
Yazılara toxunduqda çıxıntısı olmamalıdır
