“Gippo Group” Məhdud Məsuliyyətli Cəmiyyət (MMC) cərimə olunub.
Yurd.Media-nın əldə etdiyi məlumata görə, İqtisadiyyat Nazirliyinin yanında Dövlət Vergi Xidməti Milli Gəlirlər Baş İdarəsi tərəfindən MMC-də araşdırma aparılıb.
Məlum olub ki, “Gippo Group” MMC 2026-cı il tarixində dövlət qeydiyyatına alınmasına baxmayaraq nizamnamə kapitalı 3 aydan gec ödənilib, qeydiyyat orqanına isə gec təqdim edilib.
Buna görə də “Gippo Group” MMC barəsində İnzibati Xətalar Məcəlləsinin 405-1.1-ci maddəsi ilə protokol tərtib olunub.
Binəqədi Rayon Məhkəməsinin qərarı ilə “Gippo Group” MMC 2 min manat cərimə olunub.
Qeyd edək ki, bu ilin mart ayında dövlət qeydiyyatına alınan “Gippo Group” MMC-nin nizamnamə kapitalı cəmi 10 manatdır. Şirkətin direktoru əvvəlcə Rəmzi Səbzəliyev olsa da sonradan onu Osman Səbzəliyev əvəz edib.
