“Akşin 2021” Məhdud Məsuliyyətli Cəmiyyət (MMC) tərəfindən əmək hüquqları pozuntusuna yol verilib.
Yurd.Media-nın əldə etdiyi məlumata görə, Əmək və Əhalinin Sosial Müdafiəsi Nazirliyi yanında Əmək Müfəttişliyi Xidmətinin Bakı şəhər İdarəsinə vətəndaş tərəfindən MMC barəsində şikayət olunub.
Şikayətçi qeyd edib ki, 2025-ci ildən şirkətdə dəmirçi vəzifəsi üzrə əmək fəaliyyətinə cəlb edilib, işəgötürən tərəfindən əmək müqaviləsinə xitam verilib, lakin son haqq-hesab ödənişi ödənilməyib.
Əmək və Əhalinin Sosial Müdafiəsi Nazirliyi yanında Əmək Müfəttişliyi Xidmətinin Bakı şəhər İdarəsi tərəfindən vətəndaşın şikayəti əsasında Əmək Məcəlləsinin 15-ci maddəsinin 2-ci hissəsinə əsasən MMC-yə məktub göndərilib, sənədləri 7 iş günü ərzində təqdim edilməsi tələb edilib.
Poçtun izlənməsinə baxış zamanı məktubun çatdırıldığı və tələb olunan sənədlərin təqdim edilmədiyi müəyyən edilib.
Bununla da “Akşin 2021” MMC-nin barəsində İnzibati Xətalar Məcəlləsinin 539.3-cü maddəsi ilə protokol tərtib edilib.
Sabunçu Rayon Məhkəməsinin qərarı ilə MMC 2 min manat cərimə edilib
Qeyd edək ki,.“Akşin 2021” MMC 2023-cü ildə yaradılıb, nizamnamə kapitalı 10 manat təşkil edir. Şirkətin direktoru Samir Quliyevdir.
