Bölgə xəstəxanalarının elan etdiyi milyonluq tenderlərin qalibi olan “Smart Diaqnostika Laboratoriyası” MMC-nin borcu üzə çıxdı.
Yurd.Media "İqtisadiyyat.az"a istinadən xəbər verir ki, MMC-nin hazırda İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 43643.73 manat vergi borcu var.
Qeyd edək ki, “Smart Diaqnostika Laboratoriyası” MMC 2023-cü ildə dövlət qeydiyyatına alınıb. Onun nizamnamə kapitalı 100 manatdır. MMC-nin qanuni təmsilçisi Rzayeva Dilarə Mikayıl qızıdır.
Xatırladaq ki, “Smart Diaqnostika Laboratoriyası” MMC bölgə xəstəxanalarının laboratoriya şöbəsinin təşkil olunması ilə bağlı milyonluq tenderlərinin qalibi olub.
