"Baku Electronics" şirkətinin İnşaatçılar filialında müştəri məmnuniyyəti sahəsində ciddi problemlər yaşandığı bildirilir.
Yurd.Media xəbər verir ki, Lamiyə Camal adlı istifadəçinin bildirdiyinə görə, servis mərkəzində olan telefonla bağlı prosedur zamanı yanlış məlumatlandırma səbəbindən müştərinin vaxt və maliyyə itkisinə məruz qaldığı bildirilir.
"Telefon servisdə olduğu halda, əməkdaş məni poçta ərizə yazmağa göndərdi. Lakin poçtda telefonsuz ərizənin qəbul edilməyəcəyi bildirildi. Filialda bu məsələni qaldırdığımda isə "təbii ki, telefonsuz mümkün deyil" cavabını aldım. Bu cür ziddiyyətli məlumatlar müştərilərin vaxtının və enerjisinin hədər getməsinə səbəb olur," - deyə şikayətçi bildirib.
Bundan əlavə, müştəri xidməti əməkdaşının qeyri-müəyyən nahar fasiləsi saatlarının da problem yaratdığını vurğulayıb. Müştəri, "Nə vaxt gəlirəm, nahar fasiləsindədir. Vaxt təyin etmək mümkün olmur və əməkdaş öz fasiləsini özü müəyyən edir. Ayaq üstə dayanıb onu gözləmək məcburiyyətində qalıram", deyə əlavə edib.
