"Azercell Telekom"un Kommersiya departamentinin Alternativ satış kanalları bölməsinin müdiri Rüfət Qafarov vəzifəsindən ayrılıb.
Yurd.Media-nın əldə etdiyi məlumata görə, o, Azərbaycanın aqrar-sənaye sektorunda fəaliyyət göstərən "Agro Dairy Group" şirkətində Satış şöbəsinin müdiri vəzifəsinə təyin edilib.
R.Qafarov 2018-ci ildə "Azercell"də Məhsul və İKT Həlləri üzrə Baş Mütəxəssis vəzifəsində işə başlayıb və 2020-ci ilədək burada işləyib.
2020-2021-ci illərdə "Azeronline"da Biznesin İnkişafı Bölməsinin müdiri olub və eyni zamanda Kommersiya Direktoru vəzifəsini icra edib.
2021-ci ildən isə yenidən "Azercell"də çalışmağa başlayıb.
