Geniş şəkildə tətbiq olunan süni dadlandırıcı ksilitolun ürək-damar xəstəlikləri, o cümlədən infarkt və insult ehtimalını artırdığı elmi yolla müəyyənləşdirilib.
Yurd.Media xəbər verir ki, bu məlumat "European Heart Journal" nəşrində çap edilmiş tədqiqatda əks olunub.
Məlumata görə, saqqız və diş pastasının tərkibinə daxil olan ksilitol maddəsi infarkt və insult yaradan riskləri iki dəfəyə qədər yüksəldir.
Həyata keçirilən tədqiqatlar nəticəsində aydın olub ki, saqqız ürək-damar problemləri riski daşıyan və pəhriz rejimi izləyən şəxslərdə trombositlərin laxtalanma prosesini intensivləşdirir. Bu cür qan laxtalanması isə infarkt, insult və hətta ölüm halları ilə nəticələnə bilər.
