"El-Seym İnşaat" şirkəti Cəbrayılda xəstəxananın tikintisini 10 milyon manata davam etdirəcək.
Yurd.Media "İqtisadiyyat.az"a istinadən xəbər verir ki, Cəbrayıl Rayon Mərkəzi Xəstəxanasının 2-ci mərhələsi üzrə tikintisinin davamı aparılacaq.
Səhiyyə Nazirliyinin Tikilməkdə Olan Müəssisələrinin Müdiriyyəti bununla əlaqədar müvafiq hazırlıqları yekunlaşdırıb.
Belə ki, qurum tikinti işlərini "El-Seym İnşaat" şirkətinə həvalə edib və onunla müqavilə bağlayıb.
Sözügedən işlərin icrasına 9 889 264 manat vəsait sərf olunacaq.
Xatırladaq ki, 150 çarpayılıq Cəbrayıl Rayon Mərkəzi Xəstəxanasının təməli 2021-ci ildə qoyulub.
