Azərbaycanın bölgələrində bir sıra əməliyyatların həyata keçirilməsi üçün yeni şöbələr yaradılıb.
Yurd.Media xəbər verir ki, bunu Xəzər Tibb Mərkəzinə təşkil olunan mediatur zamanı TƏBİB-in İctimaiyyətlə əlaqələr və kommunikasiya departamentinin rəhbəri Zamirə Ədilova bildirib.
Onun sözlərinə görə, müxtəlif regionlardakı tibb müəssisələrində bir sıra yeni əməliyyat və prosedurların icrasına start verilib:
- Klinik Tibbi Mərkəz və Hacıqabul RMX – oftalmoloji əməliyyatlar;
- Sabirabad, Qobustan, Astara RMX və Pirallahı TM – avastin inyeksiyası
- Salyan RMX – uroloji əməliyyatlar
- Qəbələ RMX – damar cərrahiyyəsi əməliyyatları. Həmçinin Travmatoloji Mərkəz yaradılıb.
Eyni zamanda, Klinik Tibbi Mərkəz, Respublika Klinik Xəstəxanası və Sumqayıt TM-də endoprotez əməliyyatları, Şirvan Şəhər Mərkəzi Xəstəxanasında kataraktanın FAKO üsulu ilə korreksiyası və linza implantasiyası, Cəlilabad RMX-də isə beyin damarlarının angioqrafiyası icra olunmağa başlanılıb.
Bundan əlavə, Respublika Pediatriya Mərkəzinin tabeliyində olan Uşaq Kliniki Xəstəxanasında yenidoğulmuşların patologiyası və reanimasiyası şöbələri istifadəyə verilib.
Sabunçu Tibb Mərkəzində isə üz-çənə cərrahiyyəsi şöbəsi fəaliyyətə başlayıb.
