Qax rayonunun bir sıra kəndlərində illərdir davam edən qaz problemi hələ də həll olunmayıb.
Bu barədə Yurd.Media-ya danışan sakinlər bildiriblər ki, soyuq qış aylarında odunla, yay aylarında isə elektrik peçləri ilə dolanmağa məcbur qalırlar.
“Qışda yaşamaq daha da çətinləşir. Bir maşın odun 350 manatdır, o da bir aya güclə çatır. Dəfələrlə aidiyyəti qurumlara müraciət etmişik, amma heç bir nəticə yoxdur”, – deyə kənd sakinləri bildirib.
Qeyd edək ki, Qax rayonunda ümumilikdə 59 kənd var. Onlardan yalnız 18-i qazlaşdırılıb, təxminən 40 kənd isə bu imkandan hələ də kənarda qalır.
Qaz təminatı olmayan kəndlər sırasında İbaxlı, Qum və Əmbərçay kimi əhalinin sıx yaşadığı yaşayış məntəqələri də yer alır.
