“Unibank”ın Satış mərkəzinin müdiri vəzifəsindən ayrılan Bəxtiyar Bəxtiyarovun yeni iş yeri məlum olub.
Yurd.Media-nın əldə etdiyi məlumata görə, o, fəaliyyətini “International” BOKT ASC-də davam etdirəcək.
Belə ki, B.Bəxtiyarov kredit təşkilatının İdarə Heyəti sədrinin müavini – Baş Biznes inzibatçısı vəzifəsinə təyin olunub.
Qeyd edək ki, “International” BOKT ASC 2013-cü ildə yaradılıb. Nizamnamə kapitalı 10 milyon manat olan BOKT-un yeganə səhmdarı Rifat Həsənovdur, direktoru isə Nicat Həsənovdur. İllik 34-36% faiz dərəcəsi ilə ölkədə ən bahalı kredit verən BOKT-lardan olan “International” uzun müddətdir vergi borcu ilə üzləşib.
BOKT-nin hazırda dövlət qarşısında vergi borcunun miqdarı 500 min manatı ötüb.
