“Troni”nin birja dövriyyəsi 61%-dən çox azalıb

Bu ilin yanvar-sentyabr aylarında “Troni İnvestisiya Şirkəti” QSC “Bakı Fond Birjası” QSC-də 228 milyon manatlıq əməliyyat aparıb.

Bu barədə Yurd.Media-ya Birjadan bildirilib.

Məlumata əsasən, bu, ötən ilin eyni dövrü ilə müqayisədə 61,35% azdır.

Həmin dövrdə investisiya şirkətinin birja dövriyyəsi 590 milyon manat təşkil edib.

Qeyd edək ki, “Troni İnvestisiya Şirkəti” QSC 2021-ci ildə təsis edilib. Şirkətin yeganə səhmdarı Səyavuş Səfiyev, direktoru Elmidar Şirinzadədir.