Region BOKT-u nizamnamə kapitalını 230 min manat artırdı

Bank Olmayan Kredit Təşkilatı "Azəri-Star Mikromaliyyə" MMC nizamnamə kapitalını 20 faiz artırb.

Yurd.Media-nın əldə etdiyi məlumata görə, şirkət nizamnamə kapitalını 230 min manat artıraraq 1 milyon 435 min manata çatdırıb.

Qeyd edək ki,  “Azəri-Star Mikromaliyyə” 2003-cü ildə yaradılıb, Bərdə rayonunda fəaliyyət göstərir, rəhbəri isə Elnur Allahverdiyevdir.

Xatırladaq ki, Bank Olmayan Kredit Təşkilatı “Azəri-Star Mikromaliyyə” MMC 2024-cü ili 23 824 manat zərərlə başa vurub.